Isroil armiyasi 23-mart kuni G‘azo sektoridagi Al-Shifo kasalxonasi hududida tashkil etgan hujumlar oqibatida 170 kishi halok bo‘lgan. Bu haqda “Anadolu” nashri xabar berdi.
Isroil rasmiylari bildirishicha, Isroil mudofaa kuchlari va Shin Bet xavfsizlik otryadlari tinch aholi, bemorlar, tibbiy guruhlar va tibbiy asbob-uskunalarga zarar yetkazmagan holda hududda maqsadli janglar olib bormoqda.

Arab nashrlari tarqatgan ma’lumotlar esa kun davomida shifoxona atrofida kamida 170 nafar falastinlik o‘ldirilganini tasdiqlagan. Bundan tashqari, Isroil askarlari 800 dan ortiq tinch aholi vakillarini hibsga olgan.

G‘arb mamlakatlarining keskin qoralashiga qaramay, Isroil rahbariyati Al-Shifo kasalxonasidagi reyd davom etishini ma’lum qilgan. Tel-Aviv rasmiylari bu bayonotlarini hududda terrorchilar yashiringani haqidagi dalillari borligi bilan asoslagan.

• Isroil
• armiya