Falastin “Islomiy Jihod Harakati” Bosh kotibi Ziyad an-Nahhale, Isroil qabul qilgan shartlarni bajarmasa, harakat o‘t ochishni to‘xtatish kelishuvini e’tiborsiz qoldirib, yana urush boshlashini ma’lum qildi.

Harakat Bosh kotibi Nahhale Eronning poytaxti Tehronda 5-avgust kuni Isroilning G‘azo sektoriga uyushtirgan hujumlari va Misr vositachiligida Isroil bilan Islomiy Jihod Harakati o‘rtasida kecha erishilgan sulh haqida matbuot anjumani o‘tkazdi.

Nahhale, Isroil G‘azoga uyushtirgan hujumlarda maqsadiga erisha olmaganini bildirdi.

“Agar Isroil oʻz maqsadiga erishganida, Islomiy Jihod Harakati bilan kelishuvga erishishga urinmagan boʻlardi. Isroil BMT va Misr orqali oʻt ochishni toʻxtatishga erishish uchun bor kuchini ishga soldi. Gʻazo bilan aloqa 24 soat davomida uzluksiz davom etdi. Diplomatlar orqali Biz bilan bu kelishuvga erishish uchun ular bir kun sariflashdi”,— deydi u.

“Islomiy Jihod harakati” rasmiylari ilk daqiqalardanoq harakat yetakchilaridan biri Bassam as-Saadiy va ochlik e’lon qilayotgan Xalil al-Avavidni ozod qilishni shart qilib qo‘yganliklarini qayd etishdi. Ularning aytishicha, Isroil ushbu shartlarni qabul qilishda sekin harakat qilishga uringan, lekin oxir-oqibat uni qabul qilishga majbur bo‘lgan.

Ochlik e’lon qilgan Avavide bugun to‘g‘ridan-to‘g‘ri kasalxonaga borib, keyin esa uyiga ketishini ifoda etgan Nahhale, Misrning Sa‘diyning ozod qilinishini eng qisqa vaqt ichida kuzatib borishi haqida aniq yozma va’da olganliklarini bildirdi.

“Agar Isroil kelishilgan shartlarimizni bajarmasa, biz o‘t ochishni to‘xtatish bo‘yicha kelishuvni e’tiborsiz qoldiramiz va bir lahzada hech ikkilanmasdan urushni davom ettiramiz”,— deydi Nahhale.

Ma’lumot uchun, 5-avgust kuni Isroil G‘azodagi “Islomiy Jihod” guruhiga tegishli ekanligini da’vo qilgan nishonlarga Isroilga qarshi hujumga tayyorgarlik ko‘rayotganini  aytib hujum uyushtirdi. Isroil hujumi ortidan G‘azodan Isroil tomon bir qator raketalar otildi. Isroilning G‘azo sektoriga uyushtirgan hujumlari natijasida 14 nafari bola, 4 nafari ayol bo‘lgan 44 kishi hayotdan ko‘z yumdi. Isroil tomonida qurbonlar yo‘q.

Shuningdek, Isroil bilan G‘azodagi Islomiy Jihod Harakati o‘rtasida Misr vositachiligida erishilgan o‘t ochishni to‘xtatish sulhining kecha mahalliy vaqt bilan soat 23:30 dan boshlab kuchga kirganligi e’lon qilindi.

• Falastin
• Isroil