Isroil armiyasi Livan poytaxti Bayrutning janubiy chekkasiga zarba berdi. SAXAL bundan maqsad “Hizbulloh” foydalanayotgan obyektni yo‘q qilish bo‘lganini da’vo qilmoqda. Zarba berilishidan oldin binoda bo‘lgan odamlarga evakuatsiya qilish buyurilgan.

Zarba, besh oy oldin “Hizbulloh” va Isroil o‘rtasida tuzilgan o‘t ochishni to‘xtatish kelishuvi mavjud bo‘lishiga qaramay, amalga oshirildi. Isroil armiyasi Bayrutga oxirgi marta taxminan bir oy oldin zarba bergan edi.

Livan prezidenti idorasi mazkur hujumni qoraladi va sulh imzolanishida vositachilik qilgan AQSh va Fransiyani Isroilga bosim o‘tkazib, otishmalarni to‘xtatishga undashga chaqirdi.

• Havo hujumi
• Isroil
• Livan