“Eron, Isroil Livanga qarshi keng ko‘lamli urush boshlagan taqdirda, “Hizbulloh”ni qo‘llab-quvvatlaydi”, – dedi Eron xalqaro aloqalar strategik kengashi rahbari Kamol Xarazi Financial Times gazetasiga bergan intervyusida.

“Bunday vaziyatda bizda “Hizbulloh”ni qo‘llab-quvvatlashdan boshqa ilojimiz yo‘q”, – degan Kamol Xarazi. U Isroil tajovuz qilgan taqdirda Livan Arab davlatlari tomonidan qo‘llab-quvvatlanishiga ishonch bildirgan.

Xarazi Isroilning harakatlari mintaqaviy urushni keltirib chiqarishi mumkinligini ta’kidlagan va Vashingtonni Isroilga bosim o‘tkazishga chaqirgan. Avvalroq, Isroil Mudofaa armiyasi Livanga hujum qilish uchun jangovar harakatlar rejalarini tasdiqlaganligi ma’lum bo‘lgan edi.

• Eron
• Falastin
• Isroil
• Livan