Isroil TIV rahbari Isroil Katz X ijtimoiy tarmog‘ida Hormuz bo‘g‘ozi suvlarida Portugaliya bayrog‘i ostida ketayotgan yuk kemasini qo‘lga kiritgandan so‘ng, Eron hukumatini qaroqchilikda aybladi va Yevropa Ittifoqi va butun sivilizatsiyalashgan dunyoni Eron Islom inqilobi qo‘riqchilari korpusini (IRR, Eron qurolli kuchlarining elita bo‘linmalari) terroristik tashkilot sifatida tan olishga chaqirdi.

“Eron Yevropa Ittifoqi a’zosiga tegishli bo‘lgan Portugaliya fuqarolik yuk kemasini qo‘lga kiritdi va u Isroilga tegishli ekanligini aytdi. Oyatulloh Xamenei rejimi XAMAS jinoyatlarini qo‘llab-quvvatlaydigan va hozirda xalqaro huquqni buzgan holda qaroqchilik operatsiyasini amalga oshiradigan jinoiy rejimdir. Men Yevropa Ittifoqi va erkin dunyoni Islom inqilobi qo‘riqchilari korpusini zudlik bilan terroristik tashkilot deb e’lon qilishga va Eronga qarshi sanksiyalar joriy etishga chaqiraman”, – deb yozgan Katz.

• Eron
• Isroil
• Kema
• Portugaliya
• Terrorizm
• Yevropa Ittifoqi