Isroil tomonidan hujum qilingan G‘azo sektorida qurbonlar soni 24 kishiga yetdi.

Qayd etilishicha, Falastin Sog‘liqni saqlash vazirligi tomonidan qilingan yozma bayonotda, Isroilning G‘azoga uyushtirgan hujumlarida 23-79 yoshlardagi 6 nafar erkak va ikki ayol bo‘lgan 24 kishining hayotdan ko‘z yumgani bildirildi. Jarohatlanganlar soni 203 nafarga yetgani aytilgan, biroq ularning ahvoli haqida ma’lumot berilmagan.

Shuningdek, Falastin matbuotida tarqatilgan xabarlarga ko‘ra, G‘azo sektorining Jabaliya hududida sodir bo‘lgan portlash oqibatida kamida to‘rt nafar bola halok bo‘lgan.

Isroil armiyasi voizi Avichay Adraee o‘zining ijtimoiy tarmoqdagi sahifasida “Islomiy Jihod” tomonidan uchirilganini iddao qilgan raketaning G‘azo chegaralari ichida bir nuqtaga tushgani tasvirlarini baham ko‘rdi. Adraee, ushbu tasvirlarning Jabaliye hududida qayd etilganligini ta’kidladi.

Isroil armiyasi ham ijtimoiy media hisobidan bergan bayonotida, Jabaliyadagi voqealar yuzasidan tergov boshlaganini, biroq mintaqada hech qanday operatsiya o‘tkazmaganligini bildirdi.

Falastin guruhlari hozircha voqea yuzasidan bayonot bergani yo‘q.

Ma’lumot uchun, 5-avgust kuni Isroil armiyasi blokada ostidagi G‘azo sektoridagi “Islomiy Jihod” Harakatiga qarashli nishonlarga hujum uyushtirdi.

Falastin Sog‘liqni Saqlash Vazirligi tomonidan avvalroq qilingan bayonotda, Isroilning G‘azoga uyushtirgan hujumlarida 5 yoshli bola va 2 ayol bo‘lgan 15 nafar Falastinlik halok bo‘lgani, 125 nafar tinch aholining yaralangani bildirildi.

• Falastin
• Isroil