Shu bilan birga, Isroil vazirlar mahkamasi kelishuvni ma’qullash bo‘yicha ovoz berishni 18-yanvar oqshomiga qoldirgani ma’lum qilinmoqda.

Isroil xavfsizlik kabineti 16-yanvar kuni kelishuvga ovoz berish uchun yig‘ilishi kerak edi, ammo Dohadagi muzokaralar davomida bo‘lgan tortishuvlar shartnomani rasmiy imzolashni bir kunga kechiktirdi.

AQSh rasmiysi bitimning bir qismi sifatida ozod qilinadigan Falastinlik mahbuslarning yakuniy ro‘yxati to‘g‘risida kelishmovchilik borligini aytgan.

Ma’lum qilinishicha, prezident Baydenning yaqin Sharqdagi elchisi Bret Makgurk, saylangan prezident Trampning elchisi Stiv Vitkoff va Qatar va misrlik vositachilar bu masalani hal qilish uchun Dohada bo‘lgan.

Ushbu bitim Dohada muhokama qilinishda davom etar ekan, Netanyaxuning ultranatsionalistik koalitsion hukumat sheriklari — Moliya vaziri Bezalel Smotrich va Milliy xavfsizlik vaziri Itamar Ben Gvir bitimga qarshi ovoz berishlarini aytishgan.

Shartnomaga ko‘ra, 700 dan ortiq falastinlik mahbuslar, shu jumladan isroilliklarni o‘ldirishda ayblangan va umrbod qamoq jazosini o‘tayotgan 275 ga yaqin mahbuslar ozod qilinadi.

Shartnomada Qatar, Misr va AQSh shartnomani amalga oshirish uchun kafil bo‘lib xizmat qilishi ko‘zda tutilgan.

• Bitim
• Falastin
• Isroil