Isroilning G‘azo sektorining janubidagi Xon Yunis hududlaridan biriga qilgan zarbasi natijasida kamida 40 kishi halok bo‘lgan va 60 kishi yaralangan. Bu haqda BBC NEWS xabar berdi.

Isroil mudofaa armiyasining ta’kidlashicha, jangchilar G‘azo janubidagi gumanitar zonada yashirincha faoliyat yuritayotgan XAMAS qo‘mondonlik markaziga zarba berishgan.

G‘azo fuqaro mudofaasi vakili Mahmud Bassalning so‘zlariga ko‘ra, Al-mavasi hududida jami 200 dan ortiq chodir bo‘lgan. Shundan 40 tachasi vayron qilingan. Shuningdek, u mintaqadagi falastinliklar zarba haqida oldindan ogohlantirilmaganligini aytgan.

Shuningdek, XAMAS nazorati ostidagi G‘azo Sog‘liqni saqlash vazirligining ma’lumotlariga ko‘ra, 7-oktyabrdan beri anklav hududida 40 900 dan ortiq odam halok bo‘lgan.

• Falastin
• Isroil