Kecha, 5- avgust kuni Isroil armiyasi blokada ostidagi G‘azo sektoridagi "Islomiy Jihod Harakati" markazlariga zarba berganini e’lon qildi.  Bu haqda armiya Matbuot xizmati xabar bergan.

Qayd etilishicha, Isroil armiyasi 25 mingga yaqin zahiradagi askarni xizmatga chaqirgan.

 “Isroil mudofaa kuchlari Falastin “Islomiy jihod” guruhining terroristik nishonlariga qarshi olib borilayotgan “Tong” operatsiyasi nomini chop etishga ruxsat beradi",– deyiladi xabarda.

Hujum natijasida Islomiy Jihod Harakati yetakchilaridan biri Teysir al-Jaberiy vafot etgan.

Bunga javoban esa, anklav hududdan Isroilga qarata 100 ta raketa uchirildi.

 “Islomiy Jihod”ning “Quddus Seriyyes” harbiy qanoti Isroil hujumlariga javoban G‘azo sektori atrofidagi shaharlar, Tel-Aviv va markaz tomon 100 ta raketa uchirilganini ma’lum qiladi”,– deyiladi xabarda.

Falastinning G‘azo sektoridagi hukmron HAMAS harakati keskinlashuvda Isroilni ayblagan.

“Isroil G‘azo sektoriga hujum qilib, yangi jinoyatga qo‘l urdi. Dushman buning badalini to‘lashi va to‘liq javobgarlikni o‘z zimmasiga olishi kerak”,– deydi jurnalistlarga harakat vakili Fauzi Barxum.

Falastin Sog‘liqni saqlash vazirligi tomonidan berilgan yozma bayonotda aytilishicha, Isroil tomonidan G‘azo sektorida uyushtirilgan hujumlarda 5 yoshli bola va 23 yoshli ayol bo‘lib jami 11 kishi halok bo‘lgan, 80 nafar tinch aholi yaralangan.

• Falastin
• Isroil