Isroil armiyasi matbuoti bergan ma’lumotlariga ko‘ra, falastinliklarga qarshi urush boshlanganidan buyon yaralangan askarlarning umumiy soni 5360 kishiga yetgan. Shulardan 2432 nafari G‘azo sektorida bo‘lib o‘tgan quruqlikdagi janglarda yaralangan. So‘nggi 24 soat ichida yana 9 askar jarohat olganligi ma’lum qilinmoqda: ikkitasi G‘azoda va yana yetti nafari Livan janubida.

2023-yil 7-oktyabrda urush boshlanganidan beri jami 794 askar, ulardan 373 nafari G‘azodagi quruqlik operatsiyalarida 27-oktyabrdan boshlangan janglarda halok bo‘lganligi aytilmoqda.

Umumiy ro‘yxatga G‘azo sektori, G‘arbiy sohil va Livan janubida o‘ldirilgan va yaralangan harbiy xizmatchilar kiradi.

Biroq, ushbu raqamlarda urushda halok bo‘layotgan tinch aholi, politsiya va xavfsizlik xodimlari ichidan berilgan qurbonlar hisobga olinmagan.

• Isroil
• Jarohatlar