“Issiqlik elektr stansiyalari” AJ maʼmuriy binosi tom qismida 116 ta quyosh panellaridan iborat quvvati 40 kVt  boʻlgan quyosh fotoelektr stansiyasi oʻrnatilib, binoning mavjud elektr energiya taʼminoti tizimiga ulandi.  Bu haqda aksiyadorlik jamiyati rasmiy sahifasida maʼlum qilindi.

Bu orqali, yiliga oʻrtacha 76,8 ming kVt.soat elektr energiyasi ishlab chiqariladi. Buning hisobidan yiliga 20,7 ming kub metr tabiiy gaz iqtisod qilinishiga erishiladi.

Maʼlumot oʻrnida qayd etilishicha, 2020-2021 yillar davomida “Issiqlik elektr stansiyalari” AJ tizim korxonalari tomonidan jami 186 dona qayta tiklanuvchi energiya qurilmalari oʻrnatildi, shu jumladan:

- Quyosh panellari – 46 ta;
- Quyosh suv isitgichlari – 26 ta;
- Quyosh panelli yoritish chiroqlari – 114 ta.

Keltirilishicha, 2020-2021 yil 10 oyi davomida jami tizim korxonalarida oʻrnatilgan qayta tiklanuvchi energiya manbalari tomonidan 258,3 ming kVt.soat elektr energiyasi va 450 Gkal issiqlik energiyasi ishlab chiqarilgan. 

Natijada hozirgi kunga qadar jami 83 ming kub metr tabiiy gaz iqtisod qilinishiga erishilgan.

• Elektr energiyasi