O‘zbekistonning Istanbul shahridagi Bosh konsulxonasi ma’lumotlariga ko‘ra, avval Durdona Hakimovaning o‘limi bilan bog‘liq hodisadan so‘ng bedarak yo‘qolgan deb topilgan fuqaro - 1994-yilda Namangan viloyatida tug‘ilgan Ergashaliyeva Sayyoraning vafot etganligi aniqlangan. U Hakimovaning yaqin dugonasi bo‘lgan.

Tergov jarayonida gumonlanuvchilar Ergashaliyeva yuzasidan ko‘rsatma berishdan bosh tortganliklari qayd etilgan.

Dastlabki ma’lumotlarga ko‘ra, joriy yil 22-yanvar kuni marhumalar hamda gumonlanuvchilar Fotih tumanida joylashgan restoranlarda tushlik qilgan. Uchrashuv davomida Ergashaliyeva va G.K. o‘rtasida kelishmovchilik yuzaga kelgan. Mojaro Ergashaliyevaning O‘zbekistonga qaytish niyati bilan bog‘liq masalada kelib chiqqan. 23-yanvar kuni T.D. va K.G. o‘zaro til biriktirib Ergashaliyevani avval pichoq bilan o‘ldirib, tanani bir necha qismlarga bo‘lib Fotih tumanidagi axlat qutilariga tashlagan.

24-yanvar kuni qotillar Ergashaliyevaning telefonidan Hakimovaga SMS xabar yuborib, uni ham chaqirgan va uni ham pichoq tiqib o‘ldirib, tanani bir nechta qismlarga bo‘lib, Shishli tumanidagi axlat qutilariga tashlagan.

Ergashaliyevaning jasadi topilganligi haqida OAV da ma’lumot tarqaldi. Biroq Istanbul Sud tibbiy ekspertizasiga hozircha jasad olib kelinmagan.

“Marhumaning oila a’zolari va yaqinlariga chuqur hamdardlik bildiramiz. Qo‘shimcha ma’lumotlar aniqlashtirilishi bilan jamoatchilik xabardor qilinadi”, – deyiladi xabarda.

• O‘zbekiston
• Qotillik
• Turkiya