O‘zbekiston tashqi ishlar vazirining o‘rinbosari Bobur Usmonov Istanbulda Turkiy davlatlar tashkiloti bosh kotibi Kubanichbek Omuraliyev bilan uchrashuv o‘tkazdi.

Muzokaralar Turkiy davlatlar tashkiloti mamlakatlari tashqi ishlar vazirlari o‘rinbosarlarining navbatdagi Majlisi doirasida bo‘lib o‘tdi.

Uchrashuv davomida tomonlar tashkilot doirasida ko‘p tomonlama hamkorlikni kengaytirishning dolzarb masalalarini muhokama qilib, asosiy yo‘nalishlar bo‘yicha amaliy hamkorlikni faollashtirish muhimligini ta’kidladilar. 

O‘zbekiston Prezidentining tashkilot sammitlarida e’lon qilingan tashabbuslari va takliflarini amalga oshirish masalalariga alohida e’tibor qaratildi.

• Istanbul
• Tashqi ishlar vazirligi
• Turkiy davlatlar tashkiloti