Bosh prokuratura huzuridagi Departamentning Qumqo‘rg‘on tumani bo‘limi tomonidan o‘tkazilgan tezkor tadbirda “B.” MChJ rahbari Sh.S. ushbu MChJga tegishli binoda yashirin sex tashkil etib, yog‘ ishlab chiqarish bilan shug‘ullanayotganliklari aniqlanib, 300 litr iste’molga yaroqsiz yog‘, 6 079 kg chigit, 4 dona juvoz uskunasi va boshqa ishlab chiqarishda foydalanilgan tovar moddiy boyliklari ashyoviy dalil sifatida olingan. Bu haqda prokuratura departamenti xabar bermoqda.

Mazkur holat yuzasidan Jinoyat kodeksining 186-2-moddasi, ya’ni chigitdan olinadigan mahsulotni qonunga xilof ravishda ishlab chiqarish yoki muomalaga kiritish bilan jinoyat ishlari qo‘zg‘atilib, tergov harakatlari o‘tkazilmoqda.