Amerika urushni oʻrganish instituti oʻzining kundalik xulosasini eʼlon qildi. Unga koʻra, Rossiya harbiylari Ukrainaning eʼtiborini Janubiy frontdan chalgʻitish uchun Donetsk viloyatining shimoli-sharqida harakat boshladi. Ammo ular yetarlicha oziq-ovqat va oʻq-dori bilan taʼminlanmagan.

“Rossiya harbiylari Donetsk viloyatining shimoli-sharqida Ukraina eʼtiborini Janubiy frontdan chalgʻitish harakatlariga ustuvor ahamiyat berishi mumkin. Harbiy ekspertlarning qayd etishicha, Rossiya kuchlari Severskdan sharqda hujum operatsiyalarini cheklab, 6-avgust kunidan buyon faqat cheklangan quruqlik hujumlarini amalga oshirgan, ammo 11-avgust kunidan boshlab Seversk viloyatida ularning soni aksincha ortgan

Agar Ukraina qoʻshinlari Xerson viloyatidagi uchta asosiy koʻprikning hammasini vayron qilgan boʻlsa va ruslarning qayta tiklashlariga imkon bermasa, Dneprning gʻarbiy qirgʻogʻidagi rus qoʻshinlari Ukrainaning qarshi hujumlaridan himoyalanish qobiliyatini yoʻqotishi mumkin.

Rossiya qoʻshinlari Baxmutning sharqiy va janubidagi quruqlik hujumlarini davom ettirmoqda. Rossiya katta yoʻqotishlar uchun oʻch olish maqsadida kurashmoqda. Ammo. ular yetarli darajada oziq-ovqat va oʻq-dori bilan taʼminlanmayapti”, deyilgan institut hisobotida.

• Rossiya
• Ukraina
• Urush