Samarqand viloyati Nurobod tumanida IT musobaqasida gʻolib boʻlgan 13 yoshli maktab oʻquvchisiga eski noutbuk berilgani, buning ortidan tuman “zamhokimi” hayfsan olgani xabar qilingandi. IT-park axborot xizmatining maʼlum qilishicha, oʻquvchiga yangi noutbuk sovgʻa qilindi.

Ma’lum bo‘lishicha, 6-7-yanvar kunlari tanlovning shahar va tuman bosqichlari oʻtkazilib, uning yakuniga koʻra viloyat bosqichiga yoʻllanma olgan gʻoliblar aniqlangan. Viloyat bosqichida 180 nafar oʻquvchi qatnashgan. Gʻoliblarga noutbuk, ikkinchi oʻrin sohiblariga planshet, uchinchi oʻrin egalariga esa mobil telefonlar sovgʻa qilingan.

Shu bilan birga, shahar va viloyat bosqichlari gʻoliblarini taqdirlash marosimi ham oʻtkazilib, birinchi oʻrin gʻolibiga noutbuk, ikkinchi oʻringa smartfon, uchinchi oʻringa esa elektron kitoblar topshirilgan.

“Ijtimoiy tarmoqlarda tarqalgan videolavhada aks etgan 15 yoshli Sardor Sattorov tanlovning tuman bosqichida gʻolib boʻlib, viloyat bosqichiga yoʻl olgan, ammo sovrinli oʻrinni qoʻlga kirita olmagan. Tashkilotchilar tomonidan yoʻl qoʻyilgan xatolik tufayli unga noutbuk oʻrniga smartfon sovgʻa qilingan.

Ushbu holatga oydinlik kiritish maqsadida viloyat hokimligida matbuot anjumani tashkil etilib, unda hokimlik vakillari barcha aybdorlar jazolanishini maʼlum qildi. Axborot texnologiyalari va kommunikatsiyalarini rivojlantirish vazirligi koʻmagida IT-park delegatsiyasi ham oʻz navbatida ushbu yosh, umidli boʻlajak mutaxassislar bilan suhbatlashib, kelgusida faoliyatlarini qoʻllab-quvvatlash maqsadida ularga Python dasturlash tili va IT uchun ingliz tili boʻyicha bepul kurslar taqdim etdi”, deyiladi xabarda.

Shuningdek, ularga Coursera platformasida mavjud maxsus kursga bepul kirish imkoniyati berilib, brend sovgʻalar ulashilgan.

• IT
• Samarqand