Jabrlanuvchilar orasida Prada prezidenti Patritsio Bertelli, modeler Jorjio Armani, Pirelli & C. SpA ijroiya vitse-prezidenti Marko Tronketti Provera va Milanning “Inter” futbol klubi sobiq egasi milliarder Massimo Moratti ham bor.

Bloomberg’ning ma’lum qilishicha, firibgarlar sun’iy intellekt yordamida amaldorlarning ovozini yaratib, ulardan Italiya fuqarolarini Eron va Suriyadagi qamoqxonalardan ozod qilish uchun pul to‘lashni so‘rashgan.

Ushbu holatni Gvido Krozettoning o‘zi ham tasdiqlagan: “Menga noma’lum bo‘lgan bir mashhur tadbirkor men bilan bog‘lanmoqchi ekanligini aytishdi. Men o‘z telefon raqamimni berdim. U qo‘ng‘iroq qildi va oldin men, keyin esa qandaydir “general” unga telefon qilganini, shundan so‘ng u katta miqdorda pulni “general” ko‘rsatgan hisob raqamiga o‘tkazganini aytdi”, – degan vazir.

• Firibgarlik
• Italiya
• sun’iy intellekt