Shanbadan yakshanbaga o‘tar kechasi Izmirda kuchli yomg'ir va bo'ronlar sodir bo‘ldi. Kuchli yomg'irdan keyin dengizning to'lib ketishi natijasida yo'llar suv ostida qolgan. Fuqarolar suvga botib qolgan avtomashinalarini qutqarish uchun harakat qilishdi, deydi Turkiyaning TRT xabar nashri.

Shaharda kun bo'yi davom etgan yomg'ir kechasi o'z ta'sirini kuchaytirgan. Bo'ron boshlanishi bilan Mavishehir va Karshiyaka, Aksoy tumaniga tutash dengizning qirg‘oqlarida toshqin yuzaga kelgan.

Izmir Metropolitan munitsipalitetining o't o'chirish ekipajlari yerosti quvur kanallarini ochib toshqinning oldini olishga urunishgan. Hozircha bu toshqindan jabrlanganlar haqida ma’lumot berilmagan.

• Tabiiy ofat
• Turkiya