Jahon banki 280 million AQSh dollari miqdoridagi afg‘on aktivlarini gumanitar yordam xaridi uchun “eritadi”. Bu haqda Reuters axborot agentligi xabar bermoqda.

Qayd etilishicha, ushbu mablag‘lar Jahon oziq-ovqat dasturi va UNICEF‘ga yo‘naltiriladi. Ammo bu qaror Afg‘onistonni tiklash fondining 31 mamlakati tomonidan qabul qilinishi zarur. Bu mamlakatlar safida AQSh ham bor.

Jahon bankining xabar berishicha, mablag‘ni amaliy o‘tkazish masalasi joriy yilning 3-dekabrida yana bir bor ko‘rib chiqiladi.

Eslatib o‘tamiz, Dohada o‘tkazilgan AQSh va toliblar delegatsiyalari o‘rtasidagi muzokaralarda afg‘on aktivlarini “eritish” masalasi ham muhokama qilingandi.

• AQSh
• Afg‘oniston
• Jahon banki
• Toliblar