Jahonda iqtisodiy ishlab chiqarish hajmi 2022-yili birinchi marta 100 trillion dollardan oshishi mumkin. Bu haqida Reuters Britaniyaning Cebr konsalting kompaniyasi hisobotiga tayanib xabar berdi.
Tahlilchilarning ta’kidlashicha, Xitoy AQShni ortda qoldirib, dunyoning birinchi raqamli iqtisodiyotiga aylanadi, ammo bu taxmin qilingandan ko‘proq vaqt olishi mumkin.
Cebr’ning taxmini Xalqaro Valyuta Jamg‘armasining hisob-kitoblariga mos kelgan: dollar kursi bilan joriy narxlarda o‘lchanadigan global yalpi ichki mahsulot 2022-yilda 100 trillion AQSh dollardan oshadi.
Shuningdek, Xitoy 2019-yilgi World Economic League Table jadvaliga muvofiq, 2030-yilda jahonning yetakchi iqtisodiyotiga aylanishi taxmin qilingan.
Hindiston esa 2022-yilda Fransiyani, 2023-yilda Buyuk Britaniyani ortda qoldirib, 2031-yilda dunyoning uchinchi yirik iqtisodiyotiga aylanishi mumkin. 2036-yilda Buyuk Britaniya iqtisodiyoti Breksitga qaramay, Fransiyanikidan 16 foizga oshishi qayd etilgan.
Bundan tashqari, Germaniya 2033-yilda eng yirik iqtisodiyotlar ro‘yxatida Yaponiyani quvib o‘tadi. Xususan, Rossiya 2036-yilga kelib kuchli o‘ntalikka kirishi mumkin.
“2020-yilning eng katta savoli mamlakatlar inflyatsiya bilan qanday kurashishiga bog‘liq”, deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!