Shveytsariya olimlari tabiiy ofatlardan jahon iqtisodiyotiga har yili kamida 200 milliard dollar zarar yetkazishini taxmin qilishdi. Ma’lum bo‘lishicha, eng ko‘p Filippin va AQSh jabr ko‘rmoqda, deb yozadi “Zakon.kz”.

Tadqiqotchilar Yevropadagi to‘rtta ob-havo hodisasi ma’lumotlarini tahlil qilishdi. Bularga toshqinlar, tropik siklonlar, chaqmoqli bo‘ronlar va qishki bo‘ronlar kiradi. Modellashtirilgan hisob-kitoblarga ko‘ra, eng katta zarar, ya’ni YaIMning 3 foizi Filippin iqtisodiyotiga yetkazilgan. Yo‘qotishlar bo‘yicha ikkinchi o‘rin yalpi ichki mahsulotning 0,38 foizini tashkil etib bu AQShga tegishli hisoblanadi.  Ulardan keyin Tailand, Avstriya va Xitoy davlatlari hisoblanadi. Mutlaq raqamlarda, Qo‘shma Shtatlar ofatlardan eng ko‘p yo‘qotadi - yiliga taxminan 97 milliard dollar. Tadqiqot natijalari haqida batafsil ma’lumot Swiss Re qayta sug‘urta kompaniyasining veb-saytida e’lon qilingan.

• Ob-havo
• Shveysariya
• Tabiiy ofat