Bosh prokuratura huzuridagi Departamentning hududiy boʻlimlari tomonidan xorijiy davlatlarga yuborishni vaʼda qilgan firibgarlar ushlangan.

Xususan, Jizzax viloyatida muqaddam firibgarlik jinoyati uchun sudlangan M.N. fuqarolar G.A. va K.Oʻ.ning ishonchiga kirib, ularni goʻyoki Migratsiya xizmatida ishlovchi tanishlari yordamida Janubiy Koreya davlatiga ishga yuborish evaziga 6 400 AQSh dollarini olgan vaqtida ashyoviy dalillar bilan ushlangan.

Mirzo Ulugʻbek tumanida fuqarolar A.Sh. va K.N. fuqaro E.X.ning ishonchiga kirib, uni goʻyoki Migratsiya xizmatida ishlovchi tanishlari yordamida Angliyaga ishga yuborishi va hujjatlarini rasmiylashtirib berishi evaziga 1 000 AQSh dollarini olgan vaqtlarida ashyoviy dalillar bilan ushlanganl.

Shuningdek, Margʻilon shahrida fuqaro M.A. fuqarolar I.A. va U.I.ning ishonchiga kirib, ularni Yaponiya yoki Janubiy Koreya davlatlariga ishga yuborish evaziga jami 4 850 AQSh dollarini firibgarlik yoʻli bilan qoʻlga kiritganligi aniqlanib, ushbu pullar hisobidan 400 AQSh dollarini qaytarganligi protsessual tartibda rasmiylashtirilgan.

Maʼlum qilinishicha, mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qoʻzgʻatilib, tergov harakatlari oʻtkazilmoqda.

• Bosh prokuratura
• Departament
• Firibgarlik