Koʻplab mamlakatlar koronavirusning yangi “omikron” shtammidan zarar koʻrgan hududlarga sayohat qilishni taqiqladi. Biroq, shunga qaramay mazkur yangi shtamm allaqachon Yevropa qirgʻoqlarida, yaʼni, Buyuk Britaniya, Belgiya, Germaniya, Chexiya va Italiyada ham kuzatilgan.

Janubiy Afrikaning Sogʻliqni saqlash vaziri Jo Faaxlaning aytishicha, koronavirusning yangi shtammi boʻyicha cheklov choralari “asossiz”dir. 

“Shuning uchun men baʼzi mamlakatlarning sayohatini taqiqlash Jahon Sogʻliqni saqlash tashkiloti tomonidan qoʻyiladigan meʼyorlar, standartlarga mutlaqo zid ekanligini aytdim”, — deydi Faaxla.

Keltirilishicha, Janubiy Afrikadan 2 ta KLM reysi bilan Niderlandiyaga kelgan 61 yoʻlovchi COVID-19 sinovidan ijobiy holatda oʻtgan. 

Ayni damda Niderlandiya Sogʻliqni saqlash vazirligi “Omikron”ning yangi varianti bor yoki yoʻqligini aniqlash uchun test jarayonlarini oʻtkazmoqda va natijalar 2021-yil 28-noyabr kuni kechki payt eʼlon qilinishi rejalashtirilgan. 

Maʼlum qilinishicha, koronavirusning yangi shtammi nafaqat reyslar qoldirilishiga, balki, mamlakatdagi ijtimoiy holatga ham oʻz taʼsirini koʻrsatayotgani aytilgan.

• Xorij
• koronavirus