Janubiy Koreya harbiylari 27-dekabr kuni havo hududiga Shimoliy Koreya droni kirganidan xavotirlanib, havoga jangovar samolyotlar uchirilishiga buyruq bergan, biroq bu dron emas, balki qushlar galasi bo‘lib chiqqan.

Bu haqda KBS News xabar berdi.

27-dekabr kuni harbiy radarlar Gangva oroli hududida Shimoliy Koreyadan uchib kelayotgan noma’lum obyektlarni aniqladi.

Keltirilishicha, bu KXDRning uchuvchisiz uchish apparati ekani qayd etilgan.

Shu sababli Janubiy Koreya nishonni tutib olish maqsadida havoga qiruvchi samolyotlar va vertolyotlarni uchirgan.

Bundan tashqari quruqlikdagi bo‘linmalar ham shay holatga keltirilgan, aholi ehtimoliy xavf haqida ogohlantirilgan.

“Biroq nishonga yaqinlashganda, bu dron emas, qushlar galasi ekani ma’lum bo‘ldi”, —ta’kidladi janubiy koreyalik harbiylari.

Ularning qo‘shimcha qilishicha, radardagi kichik dronni farqlash qiyin.

Bundan avvalroq, 26-dekabrda Shimoliy Koreya dronlari demarkatsiya chizig‘ini kesib o‘tib, Janubiy Koreya hududiga kirgan edi.

Shundan so‘ng Seul ogohlantiruvchi o‘q uzib, jangovar samolyot va vertolyotlarini havoga ko‘targan edi.

• AQSh
• Janubiy Koreya
• KXDR