Janubiy Koreya prezidenti Yun Sok Yol fitnaga aloqadorlikda aybdor deb topilib, uni hibsga olish to‘g‘risida qaror qabul qilingan. Bu haqda Yonhap axborot agentligi xabar bermoqda.

Mamlakat prokuraturasi avvalroq davlat rahbariga ushbu ish bo‘yicha gumondor maqomini bergan edi. Janubiy Koreyaning korrupsiyaga qarshi tergov departamenti Yun Sok Yolni fitna surishtiruvi doirasida hibsga olishga ruxsat bergan.

“Gumonlanuvchining lavozimidan qat’i nazar, qonuniy chora ko‘rilishi kerak”, – deyiladi xabarda.

“Hozirda Yun Sok Yolga chetga chiqishni taqiqlash masalasi ko‘rib chiqilmoqda”, – degan hukumat vakillari.

“Davlat rahbari harbiy holat e’lon qilish bilan bog‘liq ish bo‘yicha tergov qilinmoqda. Shuningdek, politsiya Yun Sok Yolni so‘roqqa chaqirish ehtimolini ham istisno qilmayapti. Prezidentga qarshi ish bilan 150 ta tergovchi shug‘ullanyapti”, – deyilgan agentlik xabarida.

• Janubiy Koreya
• Prezident
• taqiq