Janubiy Koreyada halokatga uchragan Jeju Air samolyotining dvigatellarida qushlarning pati topilgan, bu halokat qushlar bilan to‘qnashuv orqali yuz berganligini ko‘rsatishi mumkin.

“29-dekabr kuni Muan aeroportida halokatga uchragan Janubiy Koreyaning Jeju Air aviakompaniyasi samolyotining har ikki dvigatelida qushlarning patlari topilgan”, – deb xabar bermoqda TASS.

Mutaxassislarning fikriga ko‘ra, to‘qnashuv natijasida dvigatellar ishlamay qolgan, bu esa samolyot elektr ta’minotidagi nosozlikni keltirib chiqargan bo‘lishi mumkin. Maxsus qo‘mita tekshiruv paytida patlarni topgan va ularni tahlil qilish uchun biologik institutga yuborgan.

Avvalroq, Janubiy Koreyada halokatga uchragan Jeju Air samolyotining qora qutilari halokatdan to‘rt daqiqa oldin yozib olishni to‘xtatganligi haqida xabar berilgan edi, bu esa fojia sabablarini tekshirishni qiyinlashtirgan.

Ma’lumot uchun, ushbu aviahalokatda 179 yo‘lovchi halok bo‘lgan.

• Aviahalokat
• Janubiy Koreya