Janubiy Koreya poytaxti Seul shahri aeroportida innovatsion taksi sinovdan oʻtkazildi. Uning oʻziga xosligi — ekologik jihatdan mutlaqo xavfsiz ekanligidir.

Ushbu dron-taksi elektrodvigatelga ega boʻlib, mashina havoga zaharli gaz chiqarmagan holatda ishlaydi.

Vertolyotlar kabi vertikal tarzda uchish hamda qoʻnish imkoniyatiga ega boʻlgan taksi Janubiy Koreyaning Transport vazirligi tomonidan ishlab chiqilgan. Taksi 4 yildan keyin toʻliq ishga tushiriladi va xalqaro aeroportdan Seul markaziga reyslarni amalga oshiradi.

Uchar taksi xizmatidan foydalanish yoʻl uchun sarf etiladigan vaqtni 3 barobarga qisqartirishi aytilmoqda.

• texnologiya