Janubiy Koreyaning sobiq prezidenti Pak Kin Xe 31-dekabr sanasidan boshlab afv etiladi. Bu haqida mamlakatning Adliya vazirligi xabar bergan.

Tegishli qaror uning salomatligi bilan bogʻliq holatni inobatga olib qabul qilingan. Pak Kin Xe 2019-yilda jarrohlik amaliyotini boshdan kechirgan. Yelka va umurtqa sohasidagi surunkali kasalliklar tufayli 2021-yilda ham bir necha marta kasalxonaga yotqizilgan.

Pak Kin Xening prezidentlik vakolati 2017-yilda unga nisbatan impichment eʼlon qilinishi natijasida toʻxtatilgan. Sobiq prezident korrupsiyada ayblangan va 2018-yilning aprel oyida ozodlikdan mahrum etilgan. Unga nisbatan 24 yillik qamoq jazosi tayinlangan va 118,5 milliard von ( 95 milliard dollar atrofida) miqdorida jarima belgilangan.

Taʼkidlash kerakki, Janubiy Koreyaning soʻnggi yillardagi barcha yetakchilari prezidentlik muddati tugaganidan keyin qamoqqa olingan.

• Jahon
• Koreya