Janubiy Sudan hukumati dushanbadan boshlab barcha maktablarni yopadi, chunki mamlakat ikki hafta davom etishi kutilayotgan jazirama to‘lqiniga tayyorgarlik ko‘rmoqda, deb yozadi “Zakon.kz”.

Sog‘liqni saqlash va ta’lim vazirligi ota-onalarga barcha bolalarni uyda saqlashni tavsiya qildi — mamlakatda havo harorati Selsiy bo‘yicha 45 darajagacha ko‘tariladi, deb yozadi “Associated Press”.

Ular bu davrda ochilgan har qanday maktab ro‘yxatdan o‘tishini yo‘qotishi haqida ogohlantirgan. Biroq departament maktablar qancha vaqt yopiq qolishiga aniqlik kiritmagan.

Vazirlik “vaziyatni kuzatishda davom etishini va tegishli ravishda jamoatchilikni xabardor qilishni” ma’lum qilgan.

Jahon oziq-ovqat dasturi o‘zining so‘nggi mamlakat profilida zo‘ravonlik, iqtisodiy beqarorlik, iqlim o‘zgarishi va qo‘shni Sudandagi mojarolardan qochgan odamlar oqimi tufayli Janubiy Sudan “qo‘rqinchli gumanitar inqirozga duch kelishda davom etayotganini” aytdi.

• Jazirama
• Maktab
• Sudan