Qirgʻiziston prezidenti Sadir Japarov mudofaa vaziriga chegaradagi vaziyat haqida yolgʻon maʼlumot tarqatganlarni zahiradagi rotaga safarbar etish boʻyicha topshiriq berdi. Bu haqda prezident matbuot kotibi Erbol Sultonboyev xabar berdi.
Uning aniqlik kiritishicha, gap ijtimoiy tarmoqlarda “Qirg‘iziston chegara postlarini olib tashlab, yerlarni berib qo‘ygan” degan bayonotlarni tarqatayotganlar haqida ketmoqda. Matbuot kotibining aytishicha, Japarov bunday shaxslarni Botkenga olib borish, qurollarni topshirish va chegara delimitatsiya va demarkatsiya qilinmaguncha harbiylar safida xizmat qilishga majburlash haqida ko‘rsatma bergan.
“Hech bo‘lmaganda bir metr yerni berib qo‘ysak, o‘sha yerga borib, qaysi uchastka haqida gapirayotganini aytishsin. Yolg‘on tarqatuvchilar joylarga borib, hammasini o‘z ko‘zlari bilan ko‘rsin”,– deydi Sultonboyev.
Shuningdek, prezident ikki davlat chegara postlarini konservatsiya qilish delimitatsiya va demarkatsiya jarayoni tugaguniga qadar vaqtinchalik chora ekanligini aytgan.
“Chegarachilarimiz va fuqarolarimiz bir metr ham yerdan voz kechishmaydi. Ikki tomon chegara hududlarining har bir metrini yaxshi biladi. Biz chegaraning har bir uchastkasini sunʼiy yoʻldosh orqali, shuningdek, tunu-kun kuzatib boramiz. Harbiylar va mahalliy aholi xavfsiz hududlardan kuzatib boradi, shuning uchun xavotirga o‘rin yo‘q”, — deya qo‘shimcha qildi Sultonbayev.
Ma’lumot uchun, ikki Milliy xavfsizlik davlat qoʻmitasi rahbarlari “Tamdiq” (KR) va “Bedak” (TR) chegara postlari hududlaridan har qanday turdagi chegara qoʻshinlarini olib tashlash va bundan buyon ham joylashtirmaslik toʻgʻrisida kelishib oldilar.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!