$
10835.07 UZS
17.82
141.54 UZS
0.16
12295.64 UZS
28.88
18° Kechasi

JARda aniqlangan koronavirusning yangi shtammi “omikron” deb nomlandi

12:24 / 27.11.2021

Jahon sog‘liqni saqlash tashkiloti (JSST) koronavirusning yangi – B.1.1.529 turini yunoncha omikron harfi nomladi. Bu haqda tashkilot saytida juma kuni chop etilgan bayonotda aytiladi.

“JSST omikron deb nomlangan B.1.1.529 ni “tashvish uyg‘otuvchi turlar” guruhiga kiritdi”, – deyiladi xabarda.

Tashkilot, shuningdek, o‘z bayonotida koronavirusning ushbu variantida “ko‘p sonli mutatsiyalar mavjud”ligini va ularning ba’zilari xavotirga solayotganini aytadi. Bundan tashqari, dastlabki dalillarning ko‘rsatishicha, ushbu shtamm bilan kasallanish xavfi “ortib bormoqda”.

JSST “tashvish uyg‘otuvchi turlar” guruhiga kiritilgan juda yuqumli ekani hamda boshqa turlariga nisbatan tezroq tarqalishi haqida ogohlantirmoqda.

Shuningdek, aholidan sog‘liqni saqlash borasidagi o‘rnatilgan tartibga rioya qilish – niqob taqish, ijtimoiy masofani saqlash hamda yopiq binolarda havo aylanishini nazorat qilish so‘ralmoqda.

Ilk bor B.1.1.529 shtammi JARda qayd etilgan. U Botsvana, Isroil, Gonkong va Belgiyada ham aniqlangan.


Bu ham qiziq

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!

O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!