“Alibaba” kompaniyasi asoschisi Jek Ma Tokio universiteti qoshidagi kollej professoriga aylandi. Endilikda tadbirkor talabalarga biznesni yo‘lga qo‘yish va boshqaruv bo‘yicha ma’ruzalar o‘qiydi, shuningdek tadqiqotlar yo‘nalishida ustozlik qiladi.

Kollejning tadbirkor bilan tuzgan shartnomasi joriy yilning oktyabr oyida tugaydi, ammo shartnoma muddatini uzaytirishlari ehtimoli katta ekanligi aytilmoqda.

Ma’lumot uchun, Jek Ma 2022-yilning oktyabr oyida bo‘lib o‘tgan Shanxay forumida Xitoy hukumatini tanqid qilganidan so‘ng omma qarshisida kamdan-kam ko‘rinish berayotgan edi. Xitoy hukumatining tadbirkorga javobidan keyin u mamlakatni tark etgan va bir muddat Tokio shahrida yashagan. 2023-yilning mart esa oyida Xitoyga qaytishga qaror qilgan. Aytishlaricha, bunga Xitoy kommunistik partiyasining sobiq amaldorlari va hamkasblari Ma bilan bog‘lanib, tadbirkorni ona yurtiga qaytish hamda mamlakat rivojiga hissa qo‘shishga undaganlari sabab bo‘lgan.

• Alibaba
• Jahon
• Xitoy
• Yaponiya
• milliarderlar
• xabar