2022-yil 1-apreldan O‘zbekiston rezidenti va norezidenti bo‘lgan jismoniy shaxslarning aksiyalardan olgan dividendlari daromad solig‘idan ozod qilinadi.

Bu borada Prezidentning “Kapital bozorini qo‘llab-quvvatlashning samarali mexanizmlarini joriy etishga doir qo‘shimcha chora-tadbirlar to‘g‘risida”gi qarorida belgilab qo‘yilmoqda.

Mazkur tartib 2024-yil 31-dekabrgacha amal qiladi. Shuningdek, qarorga muvofiq, 2022-yil 1-apreldan 2024-yil 31-dekabrgacha:

– norezident yuridik shaxslarning aksiyalar bo‘yicha dividendlari uchun foyda solig‘ining 5 foiz stavkasi tatbiq etiladi;

– rezident va norezident jismoniy va yuridik shaxslarning xo‘jalik jamiyatlari obligatsiyalari bo‘yicha daromadlari daromad solig‘i va foyda solig‘idan ozod qilinadi. 

Eslatib o‘tamiz, bir muddat oldin bir qator aksiyadorlik jamiyatlari aksiyalari birja orqali sotuvga qo‘yilishi xabar qilingan edi. 

• Qaror