Ijtimoiy tarmoqlarda Jizzax-Toshkent yo‘lida, Jizzax dovonidan tushishda yuqori kuchlanishli sim uzilib, yo‘lni to‘sib qolgan, har ikki tomon “megaprobka” degan xabarlar tarqaldi. Ushbu holat yuzasidan Yo‘l harakati xavfsizligi xizmati ma’lumot berdi.

Qayd etilishicha, bugun, 2024-yil 27-iyul kuni Jizzax viloyati, Paxtakor tumani hududidan o‘tuvchi M-39 avtomobil yo‘lining 66-kilometrida 220 kV yuqori kuchlanishli havo tarmog‘ining montaj ishlari bajarilayotganligi sababli ushbu hududda soat 08:00 dan 17:00 gacha bo‘lgan vaqt oralig‘ida transport vositalarining harakati vaqti-vaqti (5-10 daqiqa) bilan cheklanadi.

Hududda harakat xavfsizligini ta’minlash va tirbandlikni oldini olish bo‘yicha YPX xodimlari xizmat olib borishmoqda.

Haydovchilardan tartibga soluvchilarning ishoralariga amal qilishlarini so‘raymiz, deyiladi xabarda.

• Jizzax
• Tirbandlik