18°
Kechasi 12°
Kecha, 12-oktyabr kuni soat taxminan 18:13 da Jizzax viloyati Sharof Rashidov tumanida joylashgan paxta qabul qilish punktida g‘aram yonib ketgan. Bu haqda viloyat FVB xabar berdi.
Qayd etilishicha, viloyat Favqulodda vaziyatlar boshqarmasi Navbatchilik qismiga Sharof Rashidov tumani “Uch-tepa” MFY hududida joylashgan “Jizzax Instural To‘qima” MCHJga qarashli paxta qabul qilish punktida yong‘in sodir bo‘layotganligi to‘g‘risida xabar kelib tushgan.
Shunga ko‘ra, 4 ta yong‘in-qutqaruv ekipajlari voqea joyiga soat 18:20 da yetib borgan va 18:50 da to‘liq o‘chirilgan. Yong‘in natijasida 1 ta 14-sonli g‘aramning ustki qismi to‘liq va 15-sonli g‘aramning ustidagi “Sulton” navli paxta tolalari yongan.
“Yong‘in oqibatida 35-40 kilogramm paxta tolalari yonib zararlangan. Yong‘inning kelib chiqish sababi va moddiy zarar miqdori aniqlanmoqda”, – deyiladi xabarda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
