Prezident raislik qilgan yig‘ilishda Zarbdor hududidan o‘tgan Qo‘qon – Jizzax avtomobil yo‘li chetidagi 55 gektar, Yangiobodda 700 gektar eski pistazorlarni yangilab, 5 gektardan aholiga bo‘lib berish taklifi ma’qullandi.

Shuningdek, Zarbdorda sotilmay qolayotgan 10 ta va xususiylashtirish dasturiga kiritilgan 6 ta obyektning boshlang‘ich bahosini 10 foizgacha pasaytirib, 5 yilgacha bo‘lib-bo‘lib to‘lash imkoniyati bilan tadbirkorlarga bo‘lib beriladi. Bu bilan hududda tadbirkorlik loyihalari ishga tushirilib, 200 ta ish o‘rni yaratilishi mumkin.

“Mana, birgina tumanni o‘zida qancha imkoniyat! Qo‘shimcha 5 mingta ish o‘rni, kamida 50 million dollar eksport, tuman byudjetiga qo‘shimcha 80 milliard so‘m tushum”, – deydi Prezident yig‘ilish davomida.

• Jizzax
• Yer