Kecha, 19-dekabr kuni ijtimoiy tarmoqlarda Jizzax viloyati Xalq deputatlari Kengashi kotibiyati mudirining 20-dekabr kuni bo‘lib o‘tadigan viloyat Kengashining sessiyasida ishtirok etish yuzasidan mahalliy deputatlarga bergan ko‘rsatmasi tarqaldi.

Unga ko‘ra, deputatalar rasmiy formada (oq ko‘ylak, qora kastyum-shim, to‘q rangli galstuk, deputatlik belgisi va guvohnoma) kelishi shart.

Shuningdek, sessiyaga telefon bilan qo‘yilmaydi va agar sessiya kun tartibi bo‘yicha intervyu beradiganlar bo‘lsa, viloyat xokimi Murojaatidan kelib chiqish lozim hamda sessiya bo‘lib o‘tayotgan jarayonda savollar berilmaydi.

Depuatat Rasul Kusherbayevning yozishicha, viloyat kengashi sessiyasida hokimga savol bermaslik va telefon bo‘yicha cheklovga oid talablar viloyat kengashi kotibiyati mudirining tashabbusi bilan qilingan. Ya’ni kotibiyat mudiri bo‘lgan deputatning o‘zi deputatlarga cheklov o‘rnatmoqchi bo‘lgan.  

Holat yuzasidan viloyat Kengashi kotibiyati ham munosabat bildirib, reglamentga asosan, deputatlar deputatlik odobi va talablaridan kelib chiqqan holda o‘tkaziladigan sessiyalarga rasmiy kiyimda kelishi kerakligini eslatgan.

Shuningdek, sessiya yig‘ilishi televideniye va internet tarmoqlarida to‘g‘ridan-to‘g‘ri yoritilishini sababidan telefon ovozsiz holatga keltirish tavsiya etilgani aytilgan.

Hokimga savol bermaslik talabi yuzasidan viloyat Kengashi kotibiyatining munosabat bildirishcha, viloyat hokimi Murojaatnomasi barcha deputatlar ishtirokida doimiy komissiyalar yig‘ilishida batafsil muhokama etilgan hamda sessiyadan keyin ochiq tarzda matbuot anjumani o‘tkazilishi rejalashtirilgan. Mazkur amatbuot anjumaniga deputatlar ham taklif etilgan.

• Deputat
• Jizzax