Bugun 6-dekabr kuni Xalq ta’limi vazirligi mutasaddilari ishtirokida 2021-yilda o‘tkazilgan xalqaro va mahalliy fan olimpiadalar sarhisobiga bag‘ishlangan matbuot anjumani o‘tkazildi.

Matbuot anjumanida ta’kidlanishicha, 2020/2021-o‘quv yilida mahalliy fan olimpiadalarida 9-11 sinf o‘quvchilarining 1,1 mln. dan ortig‘i ishtirok etgan va Respublika bosqichida 46 nafar o‘quvchi g‘oliblikni qo‘lga kiritgan. 

Nufuzli Xalqaro fan olimpiadalarida ishtirok etadigan O‘zbekiston terma jamoasiga saralash bosqichlardan muvaffaqiyatli o‘tgan o‘quvchilarning 23 nafari (Xalqaro matematika olimpiadasi 6 nafar, Xalqaro fizika olimpiadasi 5 nafar, Xalqaro kimyo olimpiadasi 4 nafar, Xalqaro biologiya olimpiadasi 4 nafar, Xalqaro informatika olimpiadasi 4 nafar) terma jamoa a’zolari sifatida ishtirok etib, 3 ta oltin, 2 ta kumush, 5 ta bronza medallarini qo‘lga kiritgan.  

• Maktab
• Olimpiada