BMTning Qochqinlar ishlari bo‘yicha oliy komissarligi ma’lumotiga ko‘ra, 2021-yilda 150 mingga yaqin Yaman fuqarosi o‘z uyini tark etishiga to‘g‘ri keldi. Bunga mamlakatda davom etayotgan qurolli to‘qnashuvlar va iqtisodiy vaziyatning yomonlashuvi sabab bo‘lgan.

Xabarda berilishicha, 2021-yilda uylarini tark etishga majbur bo‘lgan yamanliklarning asosiy qismi Marib, Toiz va Hadiyda viloyatlari aholisi hisoblanadi. 

Shuningdek, Yaman hukumati urush boshlangandan beri ichki qochqinlar soni 4,1 millionga yetganini ma’lum qildi. 
Mamlakatda 2014-yil sentyabr oyidan beri qurolli mojaro davom etmoqda. Isyonchi “Ansorulloh” (husiylar) harakati Yaman g‘arbidagi keng hududlarni, jumladan, poytaxt Sanoni nazorat qilayotgani aytilgan. Hukumat kuchlari Saudiya Arabistoni boshchiligidagi arab koalitsiyasi ko‘magida husiylarga qarshi kurashib kelmoqda.

Urush tufayli Yamanda dunyodagi eng og‘ir gumanitar inqiroz kelib chiqqanligi ta’kidlangan. 

• Jahon