Joriy yilda xorijda og‘ir vaziyatlarga tushib qolgan 844 nafar fuqaro O‘zbekistonga olib kelingan. Bu haqda Tashqi mehnat migratsiyasi agentligi ma’lum qildi.
Qayd etilishicha, Buyuk Britaniya, Bolgariya, Latviya, Polsha, Germaniya, Serbiya, Finlyandiya, Rossiya, Qozog‘iston kabi davlatlardan 474 ta tashkilot bilan hamkorlik kelishuvlari imzolanib, ularda 13 mingga yaqin bo‘sh ish o‘rinlari aniqlangan. Shu va boshqa davlatlarga jami 27 mingdan ortiq fuqaro manzilli ishlarga jo‘natilgan. Shuningdek, Koreya Respublikasiga 3825 nafar, Angliyaga esa 77 nafar o‘zbekistonlik ishga jo‘natilgan.
“Agentlik faoliyatining muhim yo‘nalishlaridan yana biri o‘zbekistonlik mehnat migrantlari huquq va manfaatlarini himoya qilish, moddiy yordam ko‘rsatish hisoblanadi. Ushbu yo‘nalishdagi raqamlarga to‘xtaladigan bo‘lsak, jami 206 mingdan ortiq fuqaroga xizmatlar ko‘rsatilgan. Shundan, 183 mingdan ortig‘iga maslahat xizmati, 6063 nafariga huquqiy, 15 mingdan ortig‘iga ijtimoiy, 2595 nafariga moddiy yordam, (shundan, 1009 nafariga BHMning ikki baravaridan, jami 50 255 AQSH dollari miqdorida bir martalik) ko‘rsatilgan. Shuningdek, 198 nafar fuqaro vaqtinchalik xostellarga joylashtirilgan, og‘ir vaziyatlarga tushib qolgan 844 nafar fuqaro esa O‘zbekistonga olib kelingan”, – deyiladi xabarda.
Agentlikning xorijdagi vakolatxonalari aralashuvi bilan yurtdoshlarimizning ish beruvchilaridan 834 ming AQSH dollari miqdoridagi ish haqlari undirib berilgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!