Shimoliy Afrika qirg‘oqlaridan chiqib, Ispaniya janubi-g‘arbidagi Kanar orollariga yo‘l olgan qayiq Atlantika okeanida cho‘kib ketganidan keyin 51 nafar noqonuniy muhojir bedarak yo‘qolgan. Bu haqda “Anadulu” xabar berdi.

Ispaniyaning rasmiy xabar agentligi EFE, Kanar orollari qirg‘oq qo‘riqlash xizmatidagi manbalarga tayanib, noqonuniy muhojirlarni olib ketayotgan qayiq Kanar orollaridan biri El Xyerrodan 110 kilometr uzoqlikda cho‘kib ketganini ma’lum qilgan.

Tirik qolgan noqonuniy muhojirlar, ularning barchasi erkak, Ispaniya rasmiylariga bergan birinchi bayonotlarida dengizda taxminan ikki kundan beri yordam kutayotganliklarini aytishgan. Noqonuniy muhojirlar shifoxonada kuzatuv ostida. Ular Senegaldagi M’Bour sohilidan 9 kun oldin yo‘lga chiqqanliklarini aytishgan. Oxirgi 48 soat ichida Ispaniyaning Kanar orollariga 4 xil guruhda 220 nafar noqonuniy muhojir yetib keldi.

• Atlantika okeani
• muhojir