Joriy yil yakuniga qadar Oʻzbekistonda umumiy quvvati 2910,6 MVt boʻlgan 7 ta elektr stansiya (1 ta IES, 1 ta shamol, 3 ta quyosh va 2 ta GES) ishga tushirilishi (yagona elektr tarmogʻiga ulanishi) rejalashtirilgan.

Xususan:

Sirdaryo viloyatining Shirin shahri va Boyovut tumanlari hududida quvvati 1500 MVt boʻlgan zamonaviy issiqlik elektr stansiyasi;

Navoiy viloyatining Tomdi tumanida quvvati 500 MVt boʻlgan shamol elektr stansiyasi;

Surxondaryo viloyatining Sherobod tumanida quvvati 457 MVt boʻlgan quyosh fotoelektr stansiyasi;

Samarqand viloyatining Kattaqoʻrgʻon tumanida quvvati 220 MVt boʻlgan quyosh fotoelektr stansiyasi.

Shuningdek, Jizzax viloyatining Gʻallaorol tumanida quvvati 220 MVt boʻlgan quyosh fotoelektr stansiyalari ishga tushirilishi (yagona elektr tarmogʻiga ulanishi) rejalashtirilgan.

Maʼlum qilinishicha, ushbu elektr stansiyalar xorijiy kompaniyalar tomonidan 100 foiz toʻgʻridan-toʻgʻri investitsiyalar hisobiga amalga oshirilmoqda.

Samarqand viloyatida esa umumiy quvvati 13,6 MVt boʻlgan 2 ta gidroelektr stansiya ishga tushiriladi. Shuningdek, Toʻpalang GES modernizatsiya qilinadi va uning quvvati amaldagi 30 MVtdan 175 MVtga (+145) oshiriladi.

Qayd etilishicha, 2022-yilda umumiy quvvati 1 474 MVt boʻlgan 7 ta yangi elektr stansiya ishga tushirilgan.

• Elektr stansiya
• Energetika_vazirligi