Davlat mehnat inspeksiyasi tomonidan joriy yilning 10 oyi davomida amalga oshirilgan ishlar toʻgʻrisida maʼlumot berildi.

Qayd etilishicha, Davlat mehnat inspeksiyasi tomonidan majburiy mehnatga va bolalar mehnatiga qarshi kurashish borasida ham tizimli ishlar amalga oshirilgan.

Joriy yilning 10 oyida majburiy mehnatga yoʻl qoʻygan 62 nafar mansabdor shaxsga nisbatan Maʼmuriy javobgarlik toʻgʻrisidagi kodeksning 51-moddasi bilan 736,1 mln. soʻm miqdorida jarima qoʻllanilgan, 18 ta holatda yuqori turuvchi tashkilotlarga taqdimnomalar kiritilgan hamda 1 ta holatda hujjatlar sud organlariga, 4 ta holatda prokuratura organlariga kiritilgan.

Keltirilishicha, paxta yigʻim-terimi mavsumida jami 13 419 ta monitoringlar olib borilgan boʻlib, mehnat qonunchiligini buzganligi uchun 65 nafar mansabdor shaxsga jami 198,4 mln. soʻm miqdorda maʼmuriy jarima tayinlangan.

Bunda 5 ta holatda majburiy mehnat boʻyicha, 21 ta holatda mehnat shartnomasi tuzilmaganligi, 25 ta holatda mehnat sharoitlari yaratilmaganligi, 14 ta holatda terim pullarining oʻz vaqtida toʻlamaslik faktlari aniqlanib, mansabdor shaxslar maʼmuriy javobgarlikka tortilgan.

Shuningdek, aniqlangan qonun buzilishlarni bartaraf etish yuzasidan 48 ta holat yuzasidan yozma koʻrsatmalar kiritilgan.

• Mehnat_vazirligi
• statistika