Yilning oʻtgan davrida 31,5 ming ishsizlar hamda “ayollar daftari”, “yoshlar daftari”ga kiritilgan ishsizlarga 66,6 mlrd.soʻm subsidiya mablagʻlari ajratilgan. Bu haqda Bandlik va tashqi mehnat munosabatlari vazirligi maʼlum qildi.

Qayd etilishicha, tadbirkor sifatida davlat roʻyxatidan oʻtkazish, asbob-uskuna, mehnat qurollarini xarid qilish, “Hunarmand” uyushmasiga aʼzolik badali xarajatlarini qoplash uchun 6 263 nafar fuqarolarga 4,8 mlrd.soʻm mablagʻ ajratilgan boʻlsa, shaxsiy va dala tomorqasida issiqxona, ekishga urugʻlar va koʻchatlar hamda sugʻorish vositalarini xarid qilish uchun 16 426 ta oilalarga 43,7 mlrd.soʻm subsidiya mablagʻlari ajratilgan.

190 ta ishlab chiqarish kooperativlari tashkil etilib, ularga 9 ming nafar ishsizlar biriktirildi va ularning aʼzolik ulushi sifatida 18,2 mlrd.soʻm subsidiyalar ajratilgan.

Joriy yilning 9 oyi davomida jami 338,2 mingta yangi ish oʻrinlari tashkil etildi yoki prognozga nisbatan 124 foizga bajarilgan (oʻtgan yilga nisbatan 126 foizga oʻsdi, 66,9 mingtaga koʻp). Shu jumladan,

-tarmoq investitsiya loyihalarini amalga oshirish hisobiga 78 ta loyihada jami 9 064 ta;

-hududiy investitsiya dasturiga kiritilgan 10,6 mingta loyihalarni amalga oshirish hisobiga 108,8 mingta (116 %) yangi ish oʻrni tashkil etilgan.

Shuningdek, ijtimoiy infratuzilmani rivojlantirish hisobiga 4 920 ta (9 oylik prognozga nisbatan 182 foiz) doimiy ish oʻrni yaratilgan. Yangi roʻyxatdan oʻtgan qariyb 60 mingta kichik korxona va mikrofirmalarda 123,9 mingta yangi ish oʻrinlari tashkil etilgan.

Yakka tartibdagi tadbirkorlarni faoliyatini yoʻlga qoʻyish orqali 91,5 ming nafar (122 foiz) aholi band etildi.

Mehnat bozoridagi talablar asosida kasbiy bilimlarga oʻqitish vazirlikning ustuvor vazifasiga aylandi. Vazirlik tasarrufida 16 ta “Ishga marhamat” band boʻlmagan aholiga xizmat koʻrsatuvchi “Monomarkaz”, 59 ta tuman va shahar kasb-hunarga oʻqitish markazlari, 136 ta mahallada kasb-hunarga oʻqitish maskanlari faoliyati yoʻlga qoʻyilgan.

Mehnat bozorida talab yuqori boʻlgan 54 turdagi kasblar, tadbirkorlik koʻnikmalari va xorijiy tillar boʻyicha joriy yilning 9 oyida 97,7 ming nafar ishsizlar kasb-hunarga oʻqitishga jalb etilgan.

Bundan tashqari, kasb-hunarga oʻqitishga jalb etilganlarning asosiy qismi xotin-qizlar (66 foiz), yoshlar (54 foiz) ulushiga toʻgʻri keldi. Ularning 26,4 foizi “Ayollar daftari”, 40 foizi “Yoshlar daftari”da roʻyxatda turgan ishsiz fuqarolarni tashkil etadi.

Kasb-hunarga oʻqitishga jalb etilganlarning 48,9 ming nafari (50,1 foiz) sanoat va xizmat koʻrsatish yoʻnalishida, 27,1 ming nafari (27,6 foiz) qurilish, 3,6 ming nafari (3,7 foiz) agrotexnologiyalar, 6,6 ming nafari (6,8 foiz) “IT” sohasi kasblari va 11,5 ming nafari (11,8 foiz) “Usta-shogird” anʼanasi asosida hunarmandchilik kasblariga yoʻnaltirilgan.

• Vazirlik
• statistika