Ma’lumotlrga ko‘ra, kelajakda dunyo yana bir pandemiyaga duch kelishi mumkin, ammo undan vabo kabi qo‘rqishning hojati yo‘q. Bu haqda Jahon sog‘liqni saqlash tashkilotining (JSST) Rossiyadagi maxsus vakili Melita Vuynovich “TASS”ga ma’lum qildi.

Mutaxassisning fikricha, pandemiya siklik hodisadir. Biroq qaysi vaqtdan keyin yana paydo bo‘lishini oldindan aytib bo‘lmaydi. Mutaxassisning tushuntirishicha, avvallari vaboni (xolera) karvon yoki sayyoh olib yurgan bo‘lsa, hozir hamma doimiy sayohat va harakatda. Shu munosabat bilan infeksiya, ayniqsa, odamlar ko‘p bo‘lgan jamoat joylarida tezroq tarqaladi.

Vuynovich gigiyena choralari, yaxshi epidemiologik nazorat, genetik tadqiqotlar va boshqa vositalar muhimligini bildirdi. Ularning yordami bilan, xususan, patogenning genetik tuzilishi bilan odamlarning bir joyda yoki turli joylarda virus yuqtirganini aniqlash mumkin.

Shuningdek, u koronavirusni eslab, bu pandemiya odamlarga ko‘p narsani o‘rgatganini, uning iqtisodiyot va jamiyatga qanday ta’sir ko‘rsatishi aniq ekanini ta’kidladi. 

Vuynovichning so‘zlariga ko‘ra, ilm-fan Rossiya va boshqa mamlakatlarda dori vositalari qanday yaratilganini ko‘rsatdi, bu esa virusga qarshi kurashish imkonini berdi. 

U yangi infeksiya paydo bo‘lishi va tarqalishi mumkinligi, ammo fobiya avvalgidek bo‘lmasligini aytdi.

“Ha, ehtiyot bo‘lish kerak, lekin qo‘rqishning hojati yo‘q. Siz shunchaki sog‘liqni saqlash va nazorat tizimiga tayanishingiz kerak, bu sizga tez reaksiyaga kirishish va aholini himoya qilish imkonini beradi”, — dedi u.

COVID-19 mavzusini davom ettirar ekan Vuynovich hozirgi vaqtda yangi shtammda virusning 30 dan ortiq mutatsiyasi qayd etilganini, ammo vaksina og‘ir kasalliklardan himoya qilishini ta’kidladi. 

• COVID-19
• JSST
• pandemiya