Joriy yilning 3-dekabr kuni Stokgolm shahrida amaliy tashrif bilan bo‘lib turgan O‘zbekiston Respublikasi Tashqi ishlar vaziri Abdulaziz Kamilov Yevropada xavfsizlik va hamkorlik tashkilotining amaldagi raisi, Shvetsiya Qirolligi Tashqi ishlar vaziri Ann Kristin Linde bilan uchrashuv o‘tkazdi. Bu haqda TIV matbuot xizmati xabar bermoqda.

Uchrashuv davomida ikkala tomon O‘zbekiston va Shvetsiyaning siyosiy-diplomatik, savdo-iqtisodiy, madaniy-gumanitar va boshqa sohalarda ikki tomonlama munosabatlarni rivojlantirishdan birday manfaatdor ekanligini e’tirof etdi. 

Xabarda qayd etilishicha, tomonlar Stokgolm shahrida O‘zbekiston elchixonasi ochilishi masalasiga ham e’tibor qaratganlar. 

Bundan tashqari, ikki davlat tashqi ishlar vaziri Afg‘onistondagi vaziyat yuzasidan ham fikr va mulohazalar almashganlar.

• O‘zbekiston
• Shvetsiya
• TIV