Sankt-Peterburgda Kosmonavtlar prospektidagi ijaraga olingan bir xonali kvartiradan taxminan ikki hafta davomida yotgan 28 yoshli qizning jasadi topildi. Bu haqda mahalliy nashrlar xabar bermoqda.

10-oktyabr kuni marhuma o‘zbekistonlik 23 yoshli yigit bilan bir kunlik kvartirani ijaraga olgan. Ertasi kuni uyga farrosh ayol kelgan va xonani tozalab, chiqib ketgan. U hech qanday shubhali narsani sezmagan.

Ikki hafta o‘tgach, ijara haqi to‘lanmagani va aloqa yo‘qligi sababli, uy egasi kvartiraga mijozlarni izlab keladi. Kirgan zahoti uydan badbo‘y hidni sezadi. U karavot ostidagi qutidan jasadni topadi.

Marhuma bilan yashagan yigit 12-oktyabr kuni Istanbulga uchib ketgan va hozirda qidiruvda ekanligi aytilmoqda.

Qizning o‘limining aniq sabablari ekspertizadan so‘ng aniqlanadi.

• Qotillik
• Rossiya