Davlat statistika qo‘mitasining iste’mol narxlari kuzatuvi ma’lumotlariga ko‘ra, noyabr oyida kartoshka narxi oktyabr oyiga nisbatan o‘rtacha 10 foizga qimmatlashgan.

Qo‘mitaning qayd etishicha, kartoshkaning narxi yil boshidan buyon o‘rtacha 18 foizga oshgani kuzatilmoqda. Joriy yilning 1-dekabr holatiga ko‘ra 1 kg kartoshka taxminan 3000—7000 so‘m atrofida.

Ma’lumot uchun, respublikada 9 oy ichida 2,5 million tonna kartoshka yetishtirilgan. Xuddi shu davr holatiga aholi ehtiyojlarini qoplash maqsadida 331,6 ming tonna kartoshka import qilingan.

O‘zbekiston kartoshkaning eng katta partiyasini Erondan oladi – 121,7 ming tonna, keyingi o‘rinlarda Qozog‘iston va Pokiston kartoshkalari aholi ehtiyojini qoplash uchun bozorlarga yetkaziladi.

• Bozor
• Narx-navo
• O‘zbekiston