Kecha, NATO sammiti doirasida AQSh prezidenti Jo Bayden Rossiyaning Ukrainaga bostirib kirishi va tahdidlari tufayli Qoʻshma Shtatlar Yevropadagi harbiy pozitsiyalarini oʻzgartirishini maʼlum qildi. Bu haqida The Associated Press agentligi xabar berdi.

Baydenning soʻzlariga koʻra, AQSh Polshada doimiy harbiy shtab-kvartira tashkil etadi. Buyuk Britaniyaga qoʻshimcha ikkita F-35 eskadroni yuboradi, Germaniya va Italiyadagi havo mudofaasini kuchaytiradi. Bundan tashqari Ruminiyaga 2000-3000 minggacha harbiy joylashtiradi.

Jo Baydenning taʼkidlashicha, Qoʻshma Shtatlar Boltiqboʻyi mintaqasida ham oʻz harbiy bazalarini koʻpaytiradi.

“Bugun men AQSh Yevropadagi harbiy pozitsiyasini mustahkamlashini va oʻzgaruvchan xavfsizlik muhitiga javob berishini hamda jamoaviy xavfsizligimizni mustahkamlashini eʼlon qilaman”, deydi Bayden.

• AQSh
• Germaniya
• Italiya
• NATO
• Rossiya