Joriy yilning 5–8-iyun kunlari Oʻzbekiston hududiga Eron hududlaridan issiq havo kirib keladi. Buning hisobiga maksimal havo harorati 42 darajagacha koʻtariladi. Bu haqda Gidrometeorologiya xizmati xabar berdi.

Qayd etilishicha, 5–6-iyunda Qoraqalpogʻiston Respublikasi, Xorazm viloyatida 40–41 darajagacha, 6–8-iyunda Buxoro, Navoiy, Qashqadaryo, Surxondaryo viloyatlarida 40–42 darajagacha, 5–8-iyunda Toshkent, Samarqand, Jizzax, Sirdaryo viloyatlarida 38–40 darajagacha, 7–8-iyunda Fargʻona vodiysi viloyatlarida 36–39 darajagacha koʻtariladi.

Shuningdek, 7–8 iyun kunlari shimolda, janubda va choʻl hududlarida baʼzi joylarda shamol tezligi 15-20 m/s.gacha kuchayishi kutilmoqda, ayrim joylarda chang-toʻzonlar bilan kuzatiladi.

• Ob-havo
• O‘zgidromet
• anomal issiq